Mir mache nes dür ds Jahr dür geng öppe Gedanke zur Zyt. U di Gedanke sy ja nid geng nume rosarot. Mängisch chöme si halt o dunkel oder sogar fasch schwarz derhär. <br/>I der Adväntszyt ändere sech d Farbe nid. Si sy aber vilich e chli stercher, e chli chreftiger. Wil mer gspüre, dass während dere Zyt öppis uf üs zuechunnt, wo mer nid ganz chöi fasse.<br/>I däm Büechli findet dir Gedanke zu dere Zyt. Es sy Gschichte i verschidene Farbe u Forme. Rosaroti u mängisch halt o e chli dunkli.