&ldquo;A-a reversa&rdquo; (Fratelli Frilli, 2009) e &ldquo;Abbrettio&rdquo; en a maexima meia spart&iuml;a in m&euml;zo. A se&ccedil;ion &ldquo;Frettoeli&rdquo; a comensa co-&ldquo;O barch&icirc;&rdquo;, &lsquo;nna poex&iuml;a traduta e comment&acirc;: lettiat&uacute;a sccetta; l&rsquo;aut&ocirc; o l&rsquo;&eacute; into seu, o lett&ocirc; ch&rsquo;o se r&eacute;gole. I &auml;tri frettoeli pres&eacute;ntan di faeti mescci &agrave; de riflescioin.<br />&ldquo;In verso&rdquo;, o t&iacute;tolo da segonda se&ccedil;ion, o seunna comme &ldquo;inverso&rdquo;. Pe dindavvei inverso o l&rsquo;&eacute; l&rsquo;aut&ocirc; inta poex&iuml;a &ldquo;Mi ch&iacute;, mi asc&iacute;&rdquo;: vanni &agrave; accap&icirc; perch&eacute; o s&rsquo;asc&auml;da tanto pe &lsquo;n barb&ograve;uto ! &ldquo;L&rsquo;&eacute; pe l&ecirc; che zinzann-o&rdquo; a l&rsquo;&eacute; &lsquo;nna dicciara&ccedil;ion d&rsquo;am&ocirc; pe-a scignorinn-a Gr&ograve;sci e pe-a lettiat&uacute;a, co&rsquo; unna rae de alluxoin &agrave; Cernyscevskij, Nekrasov, L&eacute;rmontov.<br />Inta se&ccedil;ion &ldquo;Faeti e f&ouml;e&rdquo; l&rsquo;aut&ocirc; o conta e o raxonn-a sensa beseugno de invent&acirc; ninte, perch&eacute; a realtae a passa l&rsquo;immagina&ccedil;ion.<br />&ldquo;Boghe de limon&rdquo;, &ograve; sae quante arresta de &rsquo;n limon spremm&uacute;o, en pe analog&iuml;a quelle par&ograve;lle che pe-i zeneixi ancheu no an ci&ugrave; sugo.<br />&ldquo;Noi&auml;tri chi?&rdquo;, &ldquo;I &ouml;tenteutti e l&rsquo;Italia&rdquo;, &ldquo;A f&ouml;a do Bestento&rdquo; p&agrave;rlan do pass&ograve;u, ch&rsquo;o no passa, che &ldquo;de v&ograve;tte o l&rsquo;&eacute; &lsquo;n risseu, arm&ograve;u de pontaieu, che no semmo comme regi&acirc;&rdquo;.<br />Inte &ldquo;Gente de Begae&rdquo; a pietas pe-o zo&euml;no ch&rsquo;o s&rsquo;ammassa a l&rsquo;&eacute; a maexima reticensa, ch&rsquo;a fa accap&icirc; senza d&icirc;: drento gh&rsquo;&eacute; &ccedil;inque &ccedil;ita&ccedil;ioin da &lsquo;n t&egrave;sto ch&rsquo;o se taxe. &ldquo;Beuga bugagna&rdquo; a conta inte &lsquo;n remescio de vitte sci&auml;tae unna st&ouml;ia d&rsquo;am&ocirc; ch&rsquo;a n&rsquo;arrec&ouml;via.<br />&ldquo;Inti spinoin&rdquo; a Lillinn-a a l&rsquo;attreuva comme inte &lsquo;nna f&ouml;a o pr&iacute;n&ccedil;ipe Lillin, ch&rsquo;o &acirc; l&iacute;bera co&rsquo; un baxo da-i moscin. &ldquo;Abbrettio&rdquo;, &agrave; r&euml;o e &agrave; caxo, vegne i faeti, a sciummaea ch&rsquo;a ne rebella via.