D´Geschicht vun der klenger Raup zielt vum Liewe vum Lotta a senge Frënn a vun der spannender Fro: Wat gi mir no eiser Verwandlung?<br/><br/>D´Lotta a seng dräi klenge Kolleege si glécklech Raupekanner. Si krabbele gär ronderëm oder spille Verstoppches op der grousser Wiss op der si wunnen.<br/>Enges Daags kënnt eng al Raup laanscht gekrabbelt an zielt hinne vum Verpoppen. Déi véier Frënn si ganz opgereegt a probéieren zesummen eraus ze fannen, wat et domadder wuel op sech huet.<br/>Wéi si endlech rausfonnt hunn, dass si sech duerch d´Verpoppe wäerte verwandelen, ass d´Virfreed grouss a si iwwerleeën zesummen a wat fir Déiere si sech wuel wäerten entwéckelen. Nodeems si all hir fantastesch Iddien duerchgespillt hunn, ass et och schonn un der Zäit, fir sech ze verpoppen.<br/>No enger laanger Sich, fënnt d´Lotta seng Frënn endlech erëm, mee si gesi ganz aneschters aus wéi hatt. Obwuel déi Dräi net méi frou mat him sinn, ass d´Lotta an der Nout awer eng echt Frëndin a sou fanne si zesummen eraus, dass Frëndschaft awer vill méi wichteg ass wéi Schéinheet.