<b><i>S&rsquo;universu a bolu </i></b>est unu biaxi in s&rsquo;universu cosa nosta, unu biaxi po scoberri is fen&ograve;menus prus spantosus chi dd&rsquo;acuntessit. Est unu biaxi intra de unu uncueddu de sa fisica de su Noixentus e de sa f&igrave;sica in dii de oi, puru. Partendi de is rivolutzionis de su sentidu e de su connotu de sa sci&egrave;ntzia, est a nai sa Mec&agrave;nica Cuant&igrave;stica, sa Relatividadi Speciali e sa Generali, su libru nci tragat is ligidoris a scoberri sa f&igrave;sica de s&rsquo;invis&igrave;bili: de is cosas fatas a piticas ca de prus no fait, is particellas elementaris, a is cosas fatas a manna ca de prus no fait e chi pertocant a s&rsquo;astrof&igrave;sica e a sa cosmologia.<br />Unu libru po totus, po mannus e piticus: 30 contus de sci&egrave;ntzia po con&shy;tai sa f&igrave;sica de oi; 30 contixeddus po giogai cun sa sci&egrave;ntzia; pintaduras a cudda genia po allirgai sa conca, po s&rsquo;imaginai e circai de donai unu s&egrave;tiu a su chi est invis&igrave;bili a is ogus e a su chi no arrannesceus a tocai cun is manus. A intru de su libru, unus cantu de na&igrave;bbulus chi marcant sa re&shy;lata de sa Sard&igrave;nnia cun sa fisica e chi, mescamenti, si pesant de sa relata de s&rsquo;autori cun sa cultura e sa traditzioni orale (d&igrave;cius e contixeddus) de domu sua, sa Marmidda e sa bidda de Lunamatrona. <b><i>S&rsquo;universu a bolu </i></b>est puru unu gloss&agrave;riu &ldquo;f&igrave;sicu&rdquo;, po no ndi perdiri nudda nudda de totu su spantu de sa sci&egrave;ntzia.<br />Tocai, aj&ograve; a giru a giru de s&rsquo;universu: 14 miliardus de annus de bellesa funt abetendi-s&igrave;.