"Niebla" est unu romanzu publicadu in su 1914. Est su contu tragicòmicu de Augusto Pérez, chi pro sa prima bia in sa vida connoschet s'amore de una fèmina e cumintzat de a beru a bìvere. In sa chirca sua de sa ditza su giòvanu est inghiriadu dae amigos, tzeracos e istudiados chi li dant ognunu una solutzione filosòfica a sas angùstias suas. S'òpera est una riflessione amarga subra de s'esistèntzia umana, bìvida comente si esseret unu bisu o una nèbida in ue non s'ischit si unu est biu o un'imbentu de calicunu àteru e nen chie est su creadore e chie su creadu.